A solidez económica de calquera entidade mídese esencialmente polo importe dos seus fondos propios. Nunha cooperativa, os fondos propios representan a cantidade de recursos financeiros que as súas socias investiron directamente (achegas ao capital social) ou retido dentro da propia cooperativa (excedentes destinados a reservas).

Ao non estar relacionados con débeda ou financiamento externo, os fondos propios determinan a súa capacidade para facer fronte en todo momento aos riscos eventuais e aos compromisos vinculados á súa actividade. Garanten a súa solidez e a súa solvencia económica. No caso de Coop57, o risco da actividade financeira é fundamentalmente a morosidade ocasionada por entidades que non poidan devolver os préstamos que recibiron.

O Barómetro 2023 das Finanzas Éticas no Estado español, elaborado por FETS, situa a Coop57 encabezando o ránquing de compromiso cos principios èticos e solidarios –cun grao de cumprimento do 98,5%. O Banco de España lembra que a media de morosidade da banca convencional se situa nun 4,29%. No caso de Coop57 descende ata o 1,67%.

• Fondo fundacional
É o fondo económico achegado pola loita das antigas traballadoras da editorial Bruguera que permitiu pór en marcha Coop57.

• Achegas obrigatorias ao capital social
Cantidade mínima de capital que cada persoa ou entidade debe achegar para incorporarse como socia de Coop57. A súa devolución está condicionada á aprobación por parte do Consello Reitor.

• Fondo Solidario de Préstamos
Fondo que se nutre das achegas ao capital social efectuadas polas entidades socias que reciben un préstamo de Coop57.

• Resultado do exercicio e reservas
Os resultados positivos de cada exercicio económico reinvístense integramente en Coop57, reforzando así a solvencia da cooperativa.

A partir deste ano, sumaranse as achegas voluntarias aos fondos propios que se subscriban nesta emisión.

[Na táboa comparativa, explicamos os distintos tipos de achegas]

Nos últimos 4 anos, duplicouse o saldo vivo de préstamos en curso (o importe pendente de retornar dos préstamos concedidos). Pola súa banda, a evolución dos fondos propios nestes mesmos anos tivo un ritmo de crecemento inferior, ao redor do 30%.

Cando se pon en relación estas dúas variables (fondos propios e saldo vivo de préstamos), obtemos unha porcentaxe que mide a solvencia e a capacidade de dar resposta a posibles imprevistos e/ou a falta de pagamentos.

É desexable, pois, manter unha boa proporción entre estas cifras. Debido á evolución dos últimos anos, é conveniente reforzar e incrementar o fondos propios para mellorar este cociente e, así, dar continuidade á actividade financeira dunha maneira sólida e fortalecer a capacidade de conceder máis préstamos a proxectos transformadores de economía social e solidaria.

Para poder pór en contexto e ter unha referencia externa: o marco regulatorio financeiro internacional establece que este tipo de cociente debe ser, polo menos, do 8%. Coa presente emisión preténdese acadar unha porcentaxe superior, o que, no caso de conseguir o importe máximo da emisión, situaría a Coop57 un 50% por encima das esixencias mínimas da normativa financeira internacional.

En consecuencia, o impacto que terá nos fondos propios o éxito desta emisión será significativo para que Coop57 siga dando resposta ás necesidades financeiras da economía social e solidaria.

Poderase solicitar ao Consello Reitor o reembolso destas achegas voluntarias ao capital social, total ou parcialmente e sempre en múltiplos de 1.000€, nos seguintes prazos:

[Solicitudes previas ao 31 de maio de 2026]
•  Períodos: ata os días 10 dos meses de xaneiro, maio e setembro de cada ano.
•  Reembolso: farase efectivo nos 60 días posteriores ao peche de cada período, sempre que o Consello Reitor o autorice.
•  Non se percibirá a remuneración devindicada.  

 [Solicitudes posteriores ao 31 de maio de 2026]
•  Períodos: ata os días 10 dos meses de xaneiro, maio e setembro de cada ano.
•  Reembolso: farase efectivo nos 60 días posteriores ao peche de cada período, sempre que o Consello Reitor o autorice
•  Percibirase a remuneración devindicada ata a data da devolución.

Acorde ás Normas Internacionais de Contabilidade e á Lei de Cooperativas, a devolución das achegas voluntarias para reforzar os fondos propios está condicionada á aprobación por parte do Consello Reitor, órgano que se reserva a posibilidade de rexeitar, incondicionalmente, a devolución das mesmas.

Coop57 desenvolve unha actividade financeira entre as súas socias como cooperativa de servizos. Non é un banco e, en consecuencia, non dispón da cobertura do Fondo de Garantía de Depósitos do Banco de España.

Coop57 articula distintos mecanismos para garantir as achegas das persoas socias:
• Destina os seus excedentes exclusivamente a reservas.
• Esixe ás entidades que reciben financiamento que fagan achegas adicionais ao capital social para nutrir un fondo solidario para garantir os préstamos.
• Anualmente, dota o máximo posible as provisións para posible falta de pagamentos.
• Acouta o límite máximo de préstamo que pode recibir unha entidade socia, de maneira que así distribúe o risco (como máximo, unha entidade non pode recibir en préstamos máis do 2% dos recursos de que dispón Coop57).
• Mantén acordos con distintas entidades para compartir riscos e garantir os préstamos concedidos (Fondo Europeo de Investimentos, Sociedades de Garantía Recíproca, Administracións Públicas, Fundacións e outras entidades da Economía Social e Solidaria).

Coop57 é unha cooperativa que se xestiona de forma democrática e participativa e que articula mecanismos para que os socios e socias poidan coñecer adecuadamente e en todo momento a súa situación económica e poidan participar colectivamente na toma de decisións.

COMO PODO SUBSCRIBIR ACHEGAS? Enchendo el formulario web. Ou contactando connosco a través do correo electrónico socis@coop57.coop ou chamando ao 93 268 29 49.

COMO SE EFECTÚA O DESEMBOLSO DA ACHEGA? O desembolso da achega pode efectuarse mediante 3 opcións: por domiciliación bancaria, por transferencia bancaria o por un traspaso desde as achegas voluntarias esixibles ao capital social de Coop57.

COMO SE ACREDITARÁN AS ACHEGAS?
Mediante un certificado que estará dispoñible na Oficina Virtual a partir do 20 de xaneiro do 2025. Mentres este certificado non estea dispoñible, todas as persoas que efectuasen achegas disporán dun comprobante da solicitude que incluirá o detalle das condicións da achega.

COMO SE EFECTUARÁ O PAGO DA REMUNERACIÓN?
A remuneración (unha vez descontada a retención fiscal) sumarase ao valor das achegas voluntarias ao capital social. Con todo, as persoas que o desexen poderán solicitar que o importe da remuneración se lle ingrese na conta corrente que indiquen.

COMO HAI DE SOLICITAR A DEVOLUCIÓN DAS ACHEGAS?
Enviando un correo electrónico a socis@coop57.coop . Unha vez recibido, facilitarase á persoa que o remitise un formulario de devolución. Tamén, a través da Oficina Virtual de Coop57, no apartado de “Peticións”.

A remuneración das presentes achegas son consideradas como rendemento do capital mobiliario e están suxeitas a retención fiscal (19% na actualidade). Como é habitual, en cumprimento estrito e transparente da normativa fiscal, Coop57 retén esa obrigación, abónaa á autoridade fiscal e emite o pertinente certificado, que queda incorporado aos borradores das declaracions tributarias.